Basel 500 Joor bi dr Schwyz

Historischer Festumzug vom 19. August 2001 in Basel

Schiffere- und Fischere gmainsam nääbe- und uff dr Route.
An däm haisse Daag hänn sich die baide Zunftspiil in der Muba zeerscht zem Apéro und eme kleine Midaagässe droffe. D Regierig het das fir alli gsponseret, wo am Umzuug mitgmacht hänn. Uffgloggeret mit musikaalische Daarbietige und de unumgänglige Reede isch d Zyt schnäll ummegange. Scho bim waarte uff der Abmaarsch hänn d Goschdym rächt waarm gää. Ändlig ischs denn - mit Verspeetig - loos gange. S Volgg an der Route het frindlig griesst und immer wiider isch klatscht woorde. Das Baad in der Volggsmängi isch aber au zem Baad im Schweiss woorde und der Durscht als wie greesser. Fascht in aim Schnyz simmer bi greeschter Hitz vo der Muba via Mittleri Brugg und Roothus bis ooben an die Freii Strooss marschiert.

Bilder und Text mit freundlicher Genehmigung aus der E.E. Zunft zu Schiffleuten Chronik
sowie © by Richard Oechslin (Zürich) & Zunft zun Fischern (Schaffhausen).